Jos Bosch
Biografie:
Geer huurt noe 't leedsje : Mie Mestreech
De in Mestreech gebore zenger en teksdiechter Jos Bosch , dreijt al hiel gèt jäörkes mèt in de meziekwereld.
Begin jaore '80 woorte d'r twie duitstaolige singles oetgebrach , toen nog oonder de naom JOBO,
wat resolteerde in väöl optreijes in Mestreech en umstreke.
Op 't momint , tot hiel väöl vreij radio's en piratezenders verdweene , woort 't ouch stèl
roond Jos Bosch.
Vaanaof midde jaore '80 ging heer ziech miejer bezig hawwe mèt 't sjrieve vaan tekste veur o.a.
Frans Theunisz , El Capsones , De Kinderköpkes , Duo Ammezasie , Angelina
Saskia , Willy Muré , Maurice , Melvin Donovan e.v.a.
Ouch wèrrekte heer langen tied mèt in è studiokoer vaan versjeie opnamestudio's in Mestreech ,
totdat in 't jaor 2000 weer 't idee kaom um zèllef weer ins gèt leedsjes te goon opnömme.
Dees covers woorte allemaol veurzeen vaan zien eige Mestreechse tekste.
In oktober vaan dat jaor kaom daan 't ierste single cd'ke oet mèt es titel '' die kooj ''.
Heij waor ouch de video-clip vaan te zien , toendertied beij Meziek Kieke op TV Mestreech.
Nao è jaor vaan hèl wèrreke , kaom in 2001 è CD-album oet , mèt es titel :
Goej alle remme los mèt Jos Bosch
Dees cd woort in eige beheer oetgebrach , in samewèrreking mèt John Willems vaan
Studio Digital Maastricht.
De optreijes begôste good te loupe en Jos Bosch woort wie langer wie miejer gevraog in de regio.
Daorum tot in oktober 2002 è nuij CD-album op de mèrret kaom mèt es titel :
Alles Paletti !.
Zjus wie 't ierste CD-Album woort 't twiede CD-album ouch veurzeen vaan zien eige
mestreechse tekste.
Mèt de CD '' Alles Paletti ! '' hoopte Jos toch weer gèt miejer minseharte naor ziech tow te trekke.
25 November 2003 , dat is d'n datum boe Jos Bosch oetkömp mèt zien nuij CD-album
'' Iech veul miech zoe gelökkig ''
Dees CD-album is zjus wie de veurige CD's gans gevarieerd , dus veur eederein gèt.
Op dit CD-album steit ouch è duèt mèt zien dochter Tamara.
28 November 2004 kaom CD nr.4 oet mèt es titel :
'' 'ch höb de ganse nach ligke druime ''
Heij vaan is 'n CD-prissentasie gehawwe in 't Atrium op Daalhof .
't waor unne oonvergetelijke middag gewees boe hiel väöl Mestreechse artieste hun
mètwèrreking aon verliende.
In December 2005 toen waor 't tied veur 't CD-album
'' Mie Mestreech ''
Dit CD-album gaof d'n doorsjlaag naor nog gèt miejer bekindheit in de regio.
Juni 2007 kömp CD nr.6 oet en dees CD dreug d'n titel :
''Iech kin mèt diech d'n hiele wereld aon ''
Op dit CD-album stoon ouch weer versjeie soorte meziek boevaan alle leedsjes weer
veurzeen zien vaan zien eige mestreechse tekste.